ҚАЗАҚСТАНДЫҚ «БЕСІК ЖЫРЫ» АНИМАЦИЯЛЫҚ ФИЛЬМІ ҮНДІСТАНДА ӨТКЕН ХАЛЫҚАРАЛЫҚ ФЕСТИВАЛЬДЕ ҮЗДІК
АТАНДЫ
Отандық "Бесік жыры" қысқаметражды анимациялық фильмі Үндістанда өткен халықаралық "Roshani International film festival 2023" фестивалінде "Үздік анимациялық фильм" атағын жеңіп алды. Бұл туралы мәдениет және спорт министрлігінің баспасөз қызметі хабарлады.
Төртінші мәрте өткен халықаралық фестиваль Аурангабад қаласында өтті.
"Биыл байқауға 1300-ге жуық жұмыс ұсынылды. Оның ішінде 132-і анимациялық фильмдер. Dala animation шығармашылық ұжымы дайындаған "Бесік жыры" мультфильмі қазылардың ең жоғары бағасын алып, көрерменнің көңілінен шықты" – делінген хабарламада.
Туынды 2021 жылы Мәдениет және спорт министрлігіне қарасты ұлттық киноны қолдау мемлекеттік орталығының қолдауымен жарыққа
шыққан.
