Қазақстанда зейнеткерлерге 2025 жылы 2,8 триллион теңгеден астам қаржы бөлінді

2025 жылдың басынан бері республикалық бюджеттен зейнетақы төлемдеріне 2 трлн 804,4 млрд теңге жұмсалды. Бұл туралы Еңбек және халықты әлеуметтік қорғау министрлігі хабарлады.

Аталған соманың ішінде:

• 907,4 млрд теңге – базалық зейнетақыға,
• 1 трлн 897 млрд теңге – ынтымақты зейнетақыға бағытталды.

2025 жылғы 1 қыркүйектегі жағдай бойынша елімізде 2 млн 503 мың зейнеткер бар. Орташа жиынтық зейнетақы мөлшері – 142 894 теңге. Оның ішінде:

• ынтымақты зейнетақы – 95 326 теңге,
• базалық зейнетақы – 47 568 теңге.

2025 жылдың 1 қаңтарынан бастап:

• базалық зейнетақы 6,5%-ға,
• ынтымақты зейнетақы 8,5%-ға көтерілді.
• Бұл өсім инфляция деңгейінен 2%-ға жоғары.

Мемлекет басшысының тапсырмасына сәйкес, 2023 жылдан бастап 5 жыл ішінде базалық зейнетақы кезең-кезеңімен артып, ең төменгі мөлшері күнкөріс деңгейінің 70%-ына, ең жоғарысы 120%-ына жетеді.

2025 жылдан бастап жаңа мөлшерлер:

• ең төменгі базалық зейнетақы – 32 360 теңге,
• ең жоғары базалық зейнетақы – 50 851 теңге.

Еңбек өтілін есептеу тәртібі:

• 10 жылға дейін – күнкөріс деңгейінің 70%-ы,
• 10 жылдан асқан әр жыл үшін – қосымша 2%,
• 20 жыл – 90%,
• 30 жыл және одан көп болса – 110%.

Министрлік мәліметінше, зейнетақы мөлшері еңбек өтілі мен зейнетке шығар алдындағы орташа табысқа тікелей байланысты. Сонымен қатар міндетті жарналарды тұрақты әрі толық төлеу – болашақта базалық зейнетақының артуына ықпал етеді.