Қазақстанда "Ұлттық кітап" байқауына өтінім қабылдау басталды

Ұлттық кітап күніне орай "Ұлттық кітап" республикалық байқауына өтінімдер қабылданып жатыр, деп хабарлады Мәдениет және ақпарат министрлігінің баспасөз қызметі. 

Байқаудың мақсаты – оқу мәдениетін қалыптастыру, үздік кітап авторын анықтап, қазақ әдебиеті мен руханият дамуына ықпал ету, аудармашыларды және баспагерлер мен кітап дизайнерлерін қолдау, ынталандыру.

Байқауға соңғы 2 жылда отандық баспалардан жарық көрген туындылар қабылданады.

Байқау 10 номинация бойынша өтеді:

• Балаларға арналған үздік кітап;
• Үздік комикс;
• Нон-фикшн жанрындағы үздік кітап;
• Детектив жанрындағы үздік кітап;
• Сатира жанрындағы үздік кітап;
• Үздік иллюстрациялық кітап;
• Үздік аударма кітабы;
• Фантастика жанрындағы үздік кітап;
• Үздік баспа;
• "Жыл кітабы" гран-при сыйлығы.

Өтінімдер 1 сәуірге дейін ҚР Ұлттық мемлекеттік кітап палатасында (Алматы қаласы, Пушкин көшесі 2/76, 817 кабинет) қабылданады.