Қазақстанда педагогикалық университеттер консорциумы құрылды

Консорциум мұғалімдердің білім беру және ғылыми зерттеу бағытында ынтымақтастық орнатуына мүмкіндік береді.

Қазақстанда педагогикалық университеттердің консорциумы құрылды, деп хабарлады Ғылым және жоғары білім министрлігі.

 Консорциумға педагогикалық бағыттағы 5 жоғары оқу орны кірді:

  1. Абай атындағы Қазақ ұлттық педагогикалық университеті
  2. Қазақ ұлттық қыздар педагогикалық университеті
  3. Ыбырай Алтынсарин атындағы Арқалық педагогикалық институты
  4. Оңтүстік Қазақстан мемлекеттік педагогикалық университеті
  5. Әлкей Марғұлан атындағы Павлодар педагогикалық университеті.

"Педагогика бағытындағы университеттердің консорциумын құрудың мақсаты – педагогикалық білім мен ғылыми зерттеулер саласындағы ынтымақтастықты нығайту және дамыту", – деп жазылған хабарламада.


Оқи отырыңыз: Педагогтер мен психологтар үшін арнайы магистратура бөлімі ашылады


Университеттер қызметкерлер мен ғылыми-педагогикалық кадрлардың біліктілігін арттыру, бакалавриат, магистранттарды және докторанттарды даярлау бойынша шараларды бірлесе жүзеге асыра алады. Сол арқылы мұғалімдердің білім беру және ғылыми зерттеу бағытында ынтымақтастық орнату мүмкіндігін алады.

Сондай-ақ ғылыми тағылымдамалар, бірлескен ғылыми жобалар, семинарлар мен ғылыми конференциялар және тіл курстарын ұйымдастырып, студенттер мен профессорлық-оқытушылық құрамның академиялық ұтқырлығын дамыта алады. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары