Қазақстанда медресе-колледж оқушылары "Алаштану" және "Тұлғатану" пәндерін оқиды

Қазақстан мұсылмандары діни басқармасы елдегі Медресе-колледждердің оқу бағдарламасына факультатив дәріс ретінде "Алаштану", "Тұлғатану" пәнін енгізуді жоспарлап отыр. Бұл туралы бас мүфти Наурызбай қажы Тағанұлы хабарлады.

Оның айтуынша, мұндағы мақсат – болашақ дін мамандарын ұлтжандылық пен отансүйгіштікке баулу.

"Халықты оятқың келсе, оның тарихын оят" деген сөздің мәні тереңде. Медресе-колледждердің оқу бағдарламасына факультатив дәріс ретінде "Алаштану", "Тұлғатану" пәнін енгізу туралы шешім қабылдадым", – деді ҚМДБ төрағасы.

---

Оқи отырыңыз: Астанадағы республикалық бас мешітте балалар алаңы ашылды

---

Оның айтуынша, қазір Қазақстанда халықтың, әсіресе жастардың патриоттық сезімін ояту бағытында көптеген жобалар жүзеге асып жатыр.

"Біз де мұндай игі істен қалыс қалмауымыз қажет. Заманауи білім беру жүйесін, діни кадр даярлау мен дін қызметкерлерінің білімін жетілдіру – біздің басты міндетіміз. Осы орайда "Білімді ұрпақ" жобасын жүзеге асырамыз", – деді бас мүфти Наурызбай қажы Тағанұлы.