Қазақстанда ақылы қызметтердің құны тоқтаусыз өсіп жатыр

Қазақстанда ақылы қызметтердің құны тоқтаусыз өсіп жатыр, деп хабарлайды 31 арнаның Информбюро ақпараттық бағдарламасы.

Кейінгі бір жылда бұл көрсеткіш 16 пайызға өскен. 

Ұлттық статистика бюросының мәліметінше, әсіресе коммуналдық төлемдер мен байланыстың бағасы шарықтаған. Одан кейін сұлулық салондары, санаторий, көлік жөндеу, қоғамдық тамақтану мен денсаулық саласындағы ақылы қызметтердің құны 15 пайызға дейін көтерілген. Жолаушы тасымалында да өсім байқалады. 

Мәселен, пойыз билеті 26 пайызға, автобустағы жол ақысы 11 пайызға, әуе билеттері мен такси 10 пайызға аспандаған.