Бұл көрсеткіш бір жылда 1,5 есеге жуық төмендеген.
"Қазақстан халқына" қоғамдық қорындағы қызметкерлердің орташа жалақысы 380 мың теңгені құрайды. Бұл туралы басқарма мүшесі София Айсағалиева мәлімдеді.
"Қордағы орташа жалақы өткен жылмен салыстырғанда төмендеді. Өткен жылы – 565 мың болса, қазір 380 мың теңге болды",– деді басқарма мүшесі.
Биыл қордағы қызметкерлер саны 47-ге жеткен.
"Бұған дейін қорда 25 адам болса, қазір 47 адам бар. Негізі өткен жыл біз үшін қалыптасу жылы болды. Ендігі міндетіміз – әкімшілік шығындарды ұлғайтпау", – деді София Айсағалиева.
Барлық әкімшілік шығындарға банктердің депозитке төлейтін 10 миллиард теңге сыйақысын ғана пайдаланады.
