"Қазақстан халқына" қоры бүгіннен бастап 17 тамызға дейін білім гранттарына өтінім қабылдайды. Бұл туралы Бұл туралы Ғылым және жоғары білім министрлігі хабарлады.
Бұл бағдарламаға биыл ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және ЖОО-ға түсу үшін шекті балл жинаған келесі талапкерлер қатыса алады:
- ауылдық жерлердегі, шағын және моноқалалардағы жағдайы төмен отбасылардан шыққан тұлғалар;
- жетім балалар немесе кәмелетке толғанға дейін ата-анасының қамқорлығынсыз қалған балалар;
- мүгедектігі бар азаматтар;
- мүгедек балаларды тәрбиелеп отырған отбасылар;
- 2022 жылғы қайғылы қаңтар оқиғалары кезінде қаза тапқан ҚР азаматтарының балалары;
- 2022 жылғы қайғылы қаңтар оқиғалары кезінде жараланған балалар;
- төтенше жағдайлар кезінде қаза тапқан азаматтардың балалары.
Оқи отырыңыз: 10 тамызда "Қазақстан халқына" қорының білім гранттарына өтініш қабылдау басталады. Оны алу үшін не істеу керек?
"Бағдарламаға қатысудың шекті жасы толық 29 жасты құрайды. Өтініштер 10 тамыз бен 17 тамыз аралығында қабылданады. Құжаттарды жоғары оқу орындарының қабылдау комиссиялары арқылы тапсыру керек", – деп жазылған хабарламада.
Грант иегерінен оқуын аяқтағаннан кейін оны өтеу міндеттелмейді.
Толық ақпарат "Қазақстан халқына" қорының сайты мен әлеуметтік желілерінде жарияланған.
