Қазақстан тағы бір елмен визасыз режим енгізеді

Қазақстан мен Марокко өзара визасыз режим енгізеді.

Қазақстан мен Марокко үкіметтері арасында визасыз режим енгізу туралы келісімге 2024 жылғы қыркүйекте қол қойылған. Сыртқы істер министрлігі қажет құжаттаманы әзірлеуге кірісті.

"Сыртқы істер министрлігі "Қазақстан үкіметі мен Марокко Корольдігінің үкіметі арасындағы Қазақстан азаматтарын визалық талаптардан босату туралы келісімді бекіту туралы" қаулы жобасын әзірлеуге кірісті", – делінген хабарламада.

Елдер арасында визасыз режим енгізу туралы шешім екі ел арасындағы достық қарым-қатынасты нығайту мақсатында қабылданды. Ол ұлттық азаматтық төлқұжаттары бар Қазақстан азаматтары мен Марокко Корольдігі азаматтарының тиісті елдерге тек туристік мақсатта кіруін жеңілдетеді.

Келісім бойынша олар келген күннен бастап 180 күндік кезең ішінде 30 күннен аспауға тиіс делінген. Сонымен қатар әр ел азаматтарының төлқұжаттары жарамдылық мерзімі аяқталғанға дейін кемінде үш ай жарамды болуы керек.

Айта кетейік қазақстандықтар мен марокколықтар елге рұқсат етілген мерзімнен ұзағырақ іскерлік мақсатпен, жұмысқа орналасу немесе оқу үшін келуге ниет білдірген жағдайда әлі де виза қажет.

Қазақстан үкіметінің қаулысының жобасында ол қол қойылған күннен бастап күшіне енетіні айтылған. Құжат Open NPA порталында 10 қаңтарға дейін талқыланады.