Ливандағы Қазақстан азаматтары аман-есен елге оралды.
Қазақстан азаматтары және олардың отбасы мүшелері Ливаннан елге эвакуацияланды, деп хабарлайды Сыртқы істер министрлігі.
Бұл Таяу Шығыс өңіріндегі шиеленістің күшеюуіне байланысты президент Қасым-Жомарт Тоқаевтың тапсырмасымен жүзеге асты.
"Операция Ыстанбұл және Дубай қалалары арқылы ұйымдастырылды. 17-31 қазан аралығында Бейруттан Астана мен Алматы қалаларына 41 адам аман-есен жеткізілді", – делінген хабарламада.
Министрліктің мәліметінше, эвакуация әскери қақтығыс аймағында қалған Қазақстан Республикасы азаматтарының құқықтары мен мүдделерін қорғау мақсатында жүргізілді.
