Қазақстан алдағы екі жылда 500 млн долларға ІТ өнімін экспорттайды. Бұл туралы мемлекет басшысы Қасым-Жомарт Тоқаев Шетелдік инвесторлар кеңесінде айтты.
Президент еліміздің басты мұраты – келешектің цифрлық экономикасына көшу екенін баса айтып, цифрлық интеллект индексіне (Digital IQ) сәйкес Қазақстан цифрландыру қарқыны бойынша 20-орында және цифрлық ортаны дамыту жөнінен анағұрлым перспективті елдердің қатарына кіретінін жеткізді.
"Отандық цифрлық өнімдердің халықаралық нарықтағы бәсекеге қабілеттілігі артып келеді. Былтыр IT өнімдері мен қызметтер экспорты 5 есе ұлғайып, 333 миллион долларды құрады. Мақсатымыз – 2025 жылға қарай бұл көрсеткішті 500 миллион долларға дейін жеткізу. Дегенмен мұнымен тоқтап қалмаймыз. Бұл бағыттағы жұмысты жалғастырамыз", – деді мемлекет басшысы.
Айта кетейік, 2022 жылы еліміздегі цифрландыру саласы 12 пайызға өсті.