Тікелей эфир

Қазақстан 2025 жылға дейін Нью-Йорк, Шанхай, Сингапур және Токиоға жаңа әуе рейстерін ашады

"Ашық аспан" режимі аясында Қазақстанның ұшу географиясы кеңейеді.

2025 жылға дейін Қазақстаннан Токио, Сингапур, Шанхай және Нью-Йорк бағыттарына әуе рейстері ашылады. Бұл туралы индустрия және инфрақұрылымдық даму министрі Марат Қарабаевтың мемлекет басшысымен кездесуінде белгілі болды.

Кездесуде министр Қазақстанда "Ашық аспан" режимі енгізіліп, ұшу географиясы кеңейіп келе жатқанын жеткізді. Жоспар бойынша, 2025 жылға дейін Токио, Сингапур, Шанхай және Нью-Йорк бағыттарына рейстер ашылуға тиіс.

Сонымен қатар кездесуде 2022 жылы Қазақстан авиакомпаниялары 11 миллионға жуық жолаушы тасымалдап, пандемияға дейінгі көрсеткішке қол жеткізгені белгілі болды.


Оқи отырыңыз: Әуе рейсі уақытша тоқтатылған жолаушылар қайда жүгіне алады?


Бұдан бөлек министр президентке көлік инфрақұрылымының дамуы, кен орындарына жүргізілген тексеру жұмыстарының қорытындысы, жолдардың сапасын жақсарту, халықты тұрғын үймен қамтамасыз ету мәселелері жөнінде ақпарат берді. 

Қасым-Жомарт Тоқаев министрге орта бизнесті дамыту және шикізат секторына, тау-кен өнеркәсібі мен геологиялық барлау салаларына инвестиция тарту жұмыстарын күшейтуді тапсырды. Сондай-ақ жол бойындағы, сондай-ақ әлеуметтік, инженерлік және коммуналдық инфрақұрылымдарды жаңғыртуға ерекше назар аударуды, өндірістегі отандық үлесті арттыру жұмысын күшейтуді және Қала құрылысы кодексін әзірлеуді жеделдетуді талап етті.

Біздің Telegram-каналдағы ең көп оқылған жаңалықтар
Серіктестер жаңалықтары