Qazaqgaz акцияларының 25 пайызы IPO-ға шығарылады

Ашық НҚА порталында Qazaqgaz ұлттық компаниясы акцияларының 25 пайызын стратегиялық нысандар тізімінен шығару туралы Үкімет қаулысының жобасы жарияланды. Компания акцияларының дәл осы бөлігі 2025 жылы IPO-ға шығарылады.

"Qazaqgaz АҚ акциялары пакетінің 25%-ын стратегиялық объектілер тізбесінен алып тастаудың мақсаты – кейіннен оларды IPO-ға шығару жобасын қабылдау" делінген қаулы жобасында.

Биыл шілдеде Қазақстанда газ саласын дамытудың 2022-2026 жылдарға арналған кешенді жоспары қабылданған болатын. Жоспарға сәйкес, тауарлық газ өндірудің инвестициялық тартымдылығын арттыру басым бағыттардың бірі ретінде айқындалған.

Оқи отырыңыз: Қашағанда газ өңдеу зауытын салып жатқан компания мемлекет меншігіне өтеді