Қасым хан туралы фильм кинотеатрларда 12 мамырдан бастап көрсетіледі

11 сәуір 2022, 12:45 Авторға хат жазу قازاقشا Qaz

Фильмнің алғашқы ресми трейлері жарық көрді.

Режиссер Ақан Сатаевтың Қасым сұлтанның хан ретінде қалыптасуы туралы баяндайтын кинотуындысы отандық кинотеатрларда 12 мамырдан бастап көрсетіледі, деп хабарлады "Қазақфильм" баспасөз қызметі.

Фильмнің алғашқы ресми трейлері жарық көрді.

"Қазақ хандығы тарихында Қасым ханның алар рөлі орасан зор екені мәлім. Өйткені, өзі билік еткен уақытта Қазақстан аумағын батыста Еділге дейін, шығыста Ертіске дейін, оңтүстікте Сырдарияға дейін, Солтүстікте Тобылға дейін жеткізіп ғана қоймай, "Қасым ханның қасқа жолы" атты заң жинағын жариялаған. Көркем фильмде болашақ ханның адамгершілігі мен әскери қабілеті, көшбасшылығы айқын көрініс тапқан. Командамыздың еңбегі көрерменнің зейін қойып, ықыласпен қошеметтейтін туынды боларына үміт мол", – делінген хабарламада.

Оқи отырыңыз: "Субтитр қазақ тілінің мәртебесін түсіреді". Қазақстанның кино нарығы туралы дубляж режиссерімен сұхбат