Новости спорта

Қарулы күштер ардагері: Әскерге шақыру жасын 27-ден 30-ға көтеру қажет

Ардагер мұны халықаралық үрдіс атап, жастар жасының 29-дан 35-ке дейін көтерілуімен байланыстырады.

Мерзімді әскери қызметке шақыру жасын 27-ден 30 жасқа дейін көтеру қажет, деді генерал-майор, "ҚР Қарулы күштері ардагерлері" қоғамдық бірлестігі төрағасының орынбасары Марат Нағұманов "Жас қазақ" басылымында жарық көрген сұхбатында.

"Қазір елімізде жастар жасы 29-дан 35-ке дейін көтерілуде. Бұл – халықаралық үрдіс. Тиісінше, мерзімді әскери қызметке шақыру жасын 27-ден 30 жасқа дейін көтеру қажет", – деді генерал-майор.


Оқи отырыңыз:


Сонымен қатар ардагер қазір сарбаздың келбеті өзгергенін атап өтті.

"Қазіргі әскери қақтығыстарда ұрыс жүргізу тактикасы түбегейлі өзгерді. Жаңа технологиялар барған сайын тиімді және кеңінен қолданылуда. Осылайша қазіргі сарбаздың келбеті де өзгеріп отыр. Қазақстанға барлық жағынан дамыған, дайындалған сарбаздар қажет. Олар неғұрлым ересек болса, соғұрлым толысқан, моральдық-психологиялық тұрғыдан ұстамды, білімді, мамандықтары мен дағдылары бар азаматтар болады", – деді Марат Нағұманов.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары