Қар аралас жауын: 14-16 қыркүйекке арналған ауа райы болжамы

"Қазгидромет" РМК мәліметінше, еліміздің басым бөлігінде бірнеше күн бойы ауа райы тұрақсыз болады.

"14-15 қыркүйек аралығында солтүстікте, 16 қыркүйекте республиканың солтүстік-батысында, барлық кезеңде таулы аймақтарда қатты жаңбыр жауады. Республиканың оңтүстік-шығысындағы облыстарда түнде жауын-шашын болып, ылғалды қар жауады", – деп жазылған хабарламада.

Метеорологтар атап өткендей, ауа температурасына қатысты айтарлықтай өзгеріс болмайды.

Оқи отырыңыз: Қазақстандықтар 400 жылда бір рет ұшатын Нисимура кометасын қашан және қай жерде көре алады?

Қазақстанның солтүстік жартысында ауа температурасы түнде +3+10, күндіз +13+20 градус, оңтүстікте түнде +7+15, күндіз +18+25 градус жылы болады.