Әкімдік зардап шеккен кәсіпорындарға 16,2 млрд теңге сомасында өтемақы төледі.
Қаңтар айындағы оқиғалардан кейін Қасым-Жомарт Тоқаев қысқа мерзімде Алматыда іскерлік белсенділікті қалпына келтіруді тапсырды. Алматыда Қаңтар оқиғасынан зардап шеккен кәспорындарға 16,2 млрд теңге төленді. Бұл туралы қала әкімінің орынбасары Асқар Әмрин мәлімдеді.
"Әкімдік 16,2 млрд теңге сомасында зардап шеккен 1640 кәсіпорынға келтірілген залалды өтеген. Олардың 95 пайызы төлемді қысқа мерзімде – биылғы 1 маусымға дейін алды", – деді Асқар Әмрин мәслихаттың VI сессиясында сөйлеген сөзінде.
Оның айтуынша, қаржының бір бөлігі "Жаңа Алатау" қорынан бөлінді – олар 1 294,8 млн теңгеге 636 өтінімді қайтаруға көмектесті. Ал бюджет қаржысы есебінен 14 899,5 млн теңгеге 1 011 өтінім қанағаттандырылды.
