Қайталама нарықтағы үйлер күрт қымбаттады

2022 жылдың ақпан айында тұрғын үйді сатып алу-сатудың тіркелген мәмілелерінің саны 46 577-ні құрады және 2022 жылғы қаңтармен (33 365) салыстырғанда 39,6% артты, деп хабарлайды naryk.kz сайты. 

2022 жылғы қаңтар-ақпанда тұрғын үйді сатып алу-сату мәмілелерінің саны алдынғы жылғы тиісті кезеңмен салыстырғанда 17,8% артқан.

Бір жылда (2022 жылғы ақпан 2021 жылғы ақпанға) пәтерлерді қайта сату бағалары – 24,5%, жаңа тұрғын үйлерді сату 14,6% өсті. Абаттандырылған тұрғын үйді жалға алу төлемі 2022 жылғы ақпанда 2021 жылғы ақпанмен салыстырғанда 19,1% жоғары болды.

---

Оқи отырыңыз: Тұрғын үй кезегіне тұру үшін жаңа платформаға тіркелу керек 

---

Бір айда (2022 жылғы ақпан 2022 жылғы қаңтарға) пәтерлерді қайта сату бағаларына өсу қарқыны 2021 жылғы ақпанда 3,1%-дан 2022 жылғы ақпанда 5,5% байқалды. Жаңа тұрғын үйлерді сату бағалары бір айда 0,4% өсті, бұл 2021 жылғы ақпаннан 0,8 пайыздық тармаққа төмен, абаттандырылған тұрғын үйді жалға алу төлемі – тиісінше 0,6% және 1 пайыздық тармаққа.

Еске салсақ, жалға алынған баспана ақысының жартысын төлеу тетігі 1 мамырда іске қосылатыны туралы хабарлаған едік. Отбасының әрбір мүшесіне шаққанда табысы ең төменгі күнкөріс деңгейінен төмен отбасылар үймен қамтамасыз етіледі.