Петропавлда мектептің төбесі опырылып түсіп, үш бала зардап шекті

Петропавлда мектептің төбесі опырылып түсіп, үш бала зардап шекті, деп хабарлады 31 арнаның Информбюро ақпараттық бағдарламасы.

Солтүстік Қазақстан облысы әкімдігінің хабарлауынша, балалар ауруханаға жатқызылған.

"4 желтоқсанда Петропавлдағы №6 Қожаберген жырау атындағы орта мектепте екі шаршы метр аумақты алып жатқан сыныптың төбесіндегі сылақ сырғып, үш бала облыстық балалар ауруханасына жатқызылды. Үш бала бақылау үшін облыстық балалар ауруханасына жатқызылды", – делінген хабарламада.

Зардап шеккен оқушылардың жасы 12 және 13 жаста.

Қала әкімдігінің хабарлауынша, аталған факті бойынша комиссия құрылады, оның құрамына төтенше жағдайлар департаменті, мемлекеттік құрылыс басқармасы, білім, құрылыс басқармалары, ата-аналар және басқа да мүдделі тұлғалар кіреді.