Ұлттық статистика бюросының мәліметінше, қазақстандықтар 2022 жылы мұражайларға 6,1 млн рет барған.
"Мұражайларға барушылардың басым бөлігі Түркістан облысында – 1492 мың, Астанада – 643 мың және Шығыс Қазақстан облысында – 564 мың келуші. Барушылардың саны Шымкент қаласы бойынша аз – 43 мың көрермен болып отыр. Қалада 5 мұражай бар", – делінген ақпаратта.
Жыл басынан бері барлығы 271 мұражай жұмыс істеп келеді. Оның ішінде – 48 тарихи, 109 өлкетану, 65 мемориалдық, 14 қорық мұражай, 11 өнертану және т.б. мұражай бар.
"Мұражайлар саны бойынша Түркістан облысы көш бастап тұр – 27 мұражай, Ақтөбе облысында 20 мұражай және Алматы қаласы мен Батыс Қазақстан облысының әрқайсында 19 мұражай бар. Мұражайларда барлығы 2,6 миллион экспонат сақтаулы", – делінген ақпаратта.
