Отбасы банкі кезексіз және конкурссыз ипотека рәсімдеудің жолын түсіндірді

"Жаңа баспана 8/15" тұрғын үй бағдарламасына 2022 жылғы мамырда 700, маусымда 360 және шілде-тамыз айларында 935 адамнан өтінім қабылданған. Олар 15% бастапқы жарна және 8% жылдық мөлшерлемемен тұрғын үй ипотекасын алады.

Осы орайда, Отбасы банкі Іnstagram желісінде бұл бағдарламаға үлгермеген қазақстандықтар үшін кезекке тұрмай-ақ және конкурсқа қатыспай-ақ ипотека рәсімдеудің жолын түсіндірді. Бірақ, бұл үшін үміткердің Отбасы банкінде алатын пәтер құнының 50 пайызы көлемінде жинағы болуы шарт. Алайда, жылдық пайыздық мөлшерлемесі біршама төмен – 6%. 

Мұндай азаматтар "Жаңа баспана 6/50" бағдарламасы аясында ипотека ала алады.

---

Оқи отырыңыз: "Атырау жастары" ипотекасына өтініш беру 1 ақпанда басталады

---

Оған қатысу талаптары:

• тұрғын үй төлемдерін алушы болу;
• депозитте тұрғын үй сомасының 50 пайызы болуы тиіс;
• тұрғын үй тауып, банкке құжаттармен келу.

Қандай баспана сатып алуға болады?⠀

• алғашқы немесе қайталама нарықтағы тұрғын үй;
• үлестік қатысу шарты бойынша тұрғын үй;
• тұрғын үй құрылысы (жер учаскесін сатып алуды қоса алғанда).

Негізгі шарттары:⠀

• бастапқы жарна – 50%;
• сыйақы мөлшерлемесі – 6% (СЖТМ 6,2 пайыздан бастап);
• келесі 3,5 пайыздан 5 пайызға дейінгі тұрғын үй несиесіне ауысу мүмкіндігі қарастырылған;
• несие сомасы – 100 млн теңгеге дейін;
• несиені өтеу мерзімі – 25 жылға дейін.

---

Оқи отырыңыз: Әкімдіктен – 5 пайыздық ипотека. Өңірлік тұрғын үй бағдарламаларына шолу

---