Қазақстан мұсылмандары діни басқармасы биыл онлайн құрбан шалуға мүмкіндік беретін арнайы сайтты іске қосқанын хабарлады.
"Онлайн түрде құрбан шаламын деушілер сайт арқылы құрбандық малын таңдап, Kaspi QR арқылы қажетті қаражатты аудара алады. Қой мен ешкіні жеке адам, ал ірі қара мен түйе малын бір немесе 7 адам бірігіп шалса болады. Тапсырысыңыз сәтті өтсе ұялы телефоныңызға смс хабарлама келеді. Құрбандық шалынған соң оның фото және бейне есебі тапсырыс беруші көрсеткен нөмірге жіберіледі", – делінген діни басқарманың хабарламасында.
Сайтта белгіленген баға бойынша Астанада:
- Қойдың құны – 75 мың теңге;
- Ірі қараның құны – 490 мың теңге (оны жеті адам бірігіп шалса, орта есеппен әрбіріне 70 мың теңгеден шығады).
Әр өңірде құрбандық малының бағасы әркелкі.
Сайт арқылы құрбан шалуға емес, құрбан етін алуға да өтініш қалдыруға болады.
Еске салайық, биыл Құрбан айт 16-18 маусымға сәйкес келеді.
Оқи отырыңыз:
- Құрбан айт 16 маусымнан басталады. 17 маусымда демалыс беріле ме
- Марқұмның атынан құрбан шалуға бола ма? Құрбан айтқа қатысты білу керек деректер
- 16 маусым – Құрбан айт: Құрбан шалу тәртібіне қатысты 8 сұраққа жауап
