Өндіріс үздіктері мен еңбек әулеттерін анықтайтын "Еңбек жолы" республикалық байқауы басталды

Еңбек және халықты әлеуметтік қорғау министрлігі "Еңбек жолы" республикалық байқауының басталғанын хабарлады. Конкурс аясында Қазақстанның үздік өндіріс қызметкерлері мен еңбек әулеттері анықталады.

Бұл конкурс өнімді еңбекті ынталандыруға, жастар арасында жұмысшы мамандықтарды танымал етуге және жұмысшы әулеттерінің көпжылдық дәстүрлерін нығайтуға бағытталған.

Конкурс екі – өңірлік және республикалық кезеңнен тұрады. Қатысушылар үш аталым бойынша анықталады:

• "Үздік еңбек әулеті" – еңбек өтілі ең ұзақ, марапаты ең көп әулет;
• "Өндірістің үздік жас маманы" – жұмыс өтілі 5 жылдан аспайтын, ең белсенді және еңбекқор өндіріс жұмыскері;
• "Жұмыс істейтін жастардың үздік тәлімгері" – жұмыс өтілі кемінде 20 жыл, жоғары тиімді жұмыс істейтін тәлімгер.