Тікелей эфир

Нұрсұлтан Назарбаев мәжіліс және мәслихаттар депутаттарының сайлауында дауыс берді

Қазақстанда сайлауда дауыс беруге 12 миллион азаматтың құқығы бар.
Қазақстанның тұңғыш президенті Нұрсұлтан Назарбаев

Қазақстанның тұңғыш президенті Нұрсұлтан Назарбаев Астанадағы "Астана Опера" ғимаратында орналасқан сайлау учаскесіне келіп, парламент мәжілісі және мәслихаттар депутаттарын кезектен тыс сайлауда дауыс берді.

Сайлауға жеті партия өз кандидаттарын ұсынды. Олар: "Ақ жол" демократиялық партиясы, Amanat партиясы, "Ауыл" халықтық-демократиялық патриоттық партиясы, "Байтақ" "жасылдар" партиясы, Қазақстан халықтық партиясы, Жалпыхалықтық социал-демократиялық партиясы, Respublica партиясы. Сондай-ақ, осы сайлауда өзін-өзі ұсынғандар да мәжіліс депутаты бола алады. 


Оқи отырыңыз: Қазақстанда мәжіліс және мәслихаттар депутаттарын сайлау қалай өтіп жатыр? Live


Орталық сайлау комиссиясының мәліметінше, Қазақстанда сайлауда дауыс беруге 12 032 550 азаматтың құқығы бар. 

Біздің Telegram-каналдағы ең көп оқылған жаңалықтар
Серіктестер жаңалықтары