Нұрмұхамед Байғараев Қазақстан Республикасы Президентінің Баспасөз хатшысы лауазымына тағайындалды, деп хабарлайды Ақорданың баспасөз қызметі.
Нұрмұхамед Байғараев "Болашақ" бағдарламасы арқылы 2017 жылы Ұлыбританияның Ланкастер университетінде білім алған.
Осы уақытқа дейін бірқатар баспасөз басылымдары мен электронды БАҚ-та жұмыс істеп, «Айқын» газетінің бас редакторы, "Егемен Қазақстан" басылымында бас редактордың орынбасары қызметін атқарған.
Сондай-ақ, "Хабар", "Qazaqstan" телеарналарында продюсер, сценарист және жүргізуші ретінде еңбек етті. ҚР Дін істері және азаматтық қоғам министрлігі, "Азаматтық бастамаларды қолдау орталығы" КЕАҚ сараптама және стратегиялық даму департаментінің директоры және "Қазақ радиолары" ЖШС бас директорының кеңесшісі қызметтерін атқарды.
Оқи отырыңыз: Жаңа әкімдер тағайындалады: Мұрат Әйтенов пен Ералы Тоғжанов қызметінен кетеді.
Биыл ақпан айынан бері ҚР Президенті Баспасөз хатшысының орынбасары қызметін атқарды.
