Egov.kz арқылы банктік несие мен шағын несие алудан өз еркімен бас тартуға мүмкіндік беретін заңды Сенат депутаттары екінші оқылымда мақұлдады.
Заң жеке деректерді қорғауды күшейтуге және цифрлық майнинг қызметін реттеудегі құқықтық алшақтықты жоюға бағытталған. Осы мақсатта Қазақстан Республикасының төрт кодексі мен он заңына өзгерістер мен толықтырулар енгізілді.
Мемлекеттiк органдардың және мемлекеттiк заңды тұлғалардың ақпараттандыру объектiлерiмен интеграцияланбаған, субъектiнi технологиялық құралдарды пайдалана отырып анықтау мүмкiн болмаған жағдайларды қоспағанда, сондай-ақ Қазақстан Республикасының заңдарында көзделген өзге де жағдайларда жеке басын куәландыратын құжаттардың көшiрмелерiн жинауға және өңдеуге тыйым салынды.
Сондай-ақ, заң ұлттық мүдделерді қорғау және елдің ұлттық қауіпсіздігін қамтамасыз ету мақсатында иммигранттарға жеке басын куәландыратын құжаттардың көшірмелерін ұсыну міндетін енгізді.
Цифрлық майнинг қызметін жүзеге асыруға лицензиядан айыру, тоқтата тұру және қайта ресімдеу тәртібі анықталды.
Алаяқтық әрекеттерден қорғау мақсатында қазақстандықтарға Egov.kz арқылы банктік несиелер мен микронесиелерді алудан өз еркімен бас тарту құқығы берілді.
Сенат "Қазақстан Республикасының кейбір заңнамалық актілеріне ақпараттық қауіпсіздік, ақпараттандыру және цифрлық активтер мәселелері бойынша өзгерістер мен толықтырулар енгізу туралы" заңды екінші оқылымда мақұлдады.
