Денсаулық сақтау вице-министрі Тимур Сұлтанғазиев құқық қорғау органдары медицина қызметкерлерінің денсаулығына зиян келтіргені үшін жауапкершілікті арттыруға неліктен қарсылық танытқанына жауап берді.
Сенат отырысында ол бұл депутаттар мен Денсаулық сақтау министрлігінің бірлескен бастамасы екенін еске салды.
"Денсаулық сақтау министрлігі қылмыстық заңнама аясында құқық қорғау органдарының мәртебесімен жұмыс істеу кезінде дәрігерлердің мәртебесін теңестіру нормасын қолдады. Бірақ Ішкі істер министрлігі, Бас прокуратура, Әділет министрлігі және Жоғарғы Сот бұл нормаға қарсы. Олар барлығына ортақ нормалардың бар екендігін, барлық мемлекеттік қызметшілер өздерінің азаматтық және кәсіби қызметін атқару кезінде жалпы стандарттар бойынша қорғалатынын айтады", – деді Тимур Сұлтанғазиев.
Оқи отырыңыз: Аймағамбетов медицина қызметкерлерінің денсаулығына зиян келтіргені үшін жауапкершілікті күшейтуді ұсынып отыр
Алайда денсаулық сақтау министрлігі бұл ұстаныммен келіспейді, себебі медицина қызметкерлеріне, жедел жәрдем жүргізушілеріне, қабылдау бөлмесіне шабуыл жасау жиілеп кетті. Департамент бұл норма мәселесін депутаттармен бірге қайта көтермек.
