Назарбаев мектептерінде грантта оқуға құжат қабылдау 5 қаңтарда басталады

"Назарбаев Зияткерлік мектептері" дербес білім беру ұйымы 2022-2023 оқу жылында Назарбаев Зияткерлік мектептерінің 7-сыныптарында білім алу үшін үміткерлерге Қазақстан Республикасы Тұңғыш Президенті – Елбасының "Өркен" білім беру грантын тағайындауға конкурс жариялайды.

"Санитарлық талаптарды сақтау және қауіпсіздікті қамтамасыз ету мақсатында қабылдау комиссиясына келушілер ағымын реттеу үшін онлайн брондау қызметі жүзеге асырылады. Бұл қызмет сіз құжат тапсыратын Зияткерлік мектептің веб-сайты арқылы мектепке келу күні мен уақытын алдын ала белгілеуге мүмкіндік береді", – делінген хабарламада.

Оқи отырыңыз:

• 2 жылда – 238 жеке мектеп. Қазақстанда ақылы оқуға сұраныс күрт өсті
• Асхат Аймағамбетов: Оқулықтар ғылымидан гөрі балаларға түсінікті жеңіл тілде жазылуы тиіс

Зияткерлік мектепке келген жағдайда үміткер мен заңды өкіл (бір адам) Зияткерлік мектеп ғимаратына тіркеу кезінде белгіленген уақытта ғана Ashyq жүйесі арқылы кіргізіледі.

Құжат қабылдау орындары мен конкурстың өту шарттары туралы толық ақпаратты веб-сайттағы "Үміткерлерге" – "Конкурс жөнінде хабарлама" бөлімінен алуға болады.