Мобильді аударымдарға қандай шарттар қойылады?

2025 жылға дейін екінші деңгейдегі банктер мемлекеттік кірістер органдарына клиенттері туралы бірқатар мәлімет береді.

Жеке тұлғалардың мобильді аударымдары бойынша өлшемшарттар әзірленіп, "Электронды үкімет" порталында ашық талқылау үшін жарияланды, деп хабарлайлы Маңғыстау облысы бойынша мемлекеттік кірістер департаментінің баспасөз қызметі. 

Кәсіпкерлік қызметті жүзеге асырудан кіріс алу белгілері бар операциялардың талабы – жеке тұлға 3 күнтізбелік ай қатарынан банктік шотына ай сайын әртүрлі 100 және одан көп адамдардан ақша қаражаттарын алып отыруы.

Салық кодексінің шеңберінде 2025 жылға дейін екінші деңгейдегі банктер мемлекеттік кірістер органдарына келесі мәліметтерді береді:

  • 1-кезең. 2022 жылдың 1 қаңтарынан бастап мемлекеттік қызметкерлер мен оларға теңестірілгендер және олардың жұбайлары бойынша ақпарат беріледі;
  • 2-кезең. 2023 жылдың 1 қаңтарынан бастап бюджеттік мекемелердің қызметкерлері және олардың жұбайлары, квазимемлекеттік сектор субъектілерінің қызметкерлері және олардың жұбайлары бойынша ақпарат беріледі;
  • 3-кезең. 2024 жылдың 1 қаңтарынан бастап заңды тұлғалардың басшылары, құрылтайшылары және олардың жұбайлары, дара кәсіпкерлер және олардың жұбайлары бойынша ақпарат беріледі;
  • 4-кезең. 2025 жылдың 1 қаңтарынан бастап халықтың қалған барлық санаты бойынша ақпарат беріледі.

Оқи отырыңыз: Мобильді ақша аударымына салық салына ма? Жиі қойылатын сұрақтарға жауап


2023 жылы екінші деңгейдегі банктер және банк операцияларының жекелеген түрлерін жүзеге асыратын ұйымдар 1-кезеңнің тұлғалары бойынша мәліметтерді ұсынуды жоспарлап отыр.

"Бұйрық жобасы жеке тұлғалардың, адал салық төлеушілердің жеке аударымдарын қозғамайды және салық мониторингін жүргізу кезінде тиімділікті арттыруға, Қазақстан Республикасы заңнамасының нормаларын сақтауға және салық төлеуден жалтарудың алдын алуға бағытталған", – деп атап өтті Мемлекеттік кірістер департаменті мамандары.

Еске салсақ, Қазақстанда бірнеше санаттағы тұлғалардың жер салығынан босатылатынын хабарлаған едік. 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары