15 қазан 2024, 08:34

Михаил Кукушкин Алматыда негізгі жарысқа жолдама алды

Қаз Qaz قازاق

Қазақстандық теннисші, әлемнің 111-ракеткасы Михаил Кукушкин Алматы ATP 250 турнирінің іріктеу сайысын сәтті аяқтады.

Қазақстандық теннисші іріктеу сайыстарының финалында дүниежүзілік рейтингіде 198-орында тұрған ресейлік Алибек Качмазовтың меселін қайтарды, деп хабарлады Қазақстан теннис федерациясы.

Бірінші партияда Кукушкин 5:0 есебімен алға кетіп, қарсыласына бір гейм ғана берді – 6:1. Екінші сетте есеп 2:2 болғаннан кейін Михаил қарқынын үдетті – 6:2.

Бір сағаттан астам уақытқа созылған бәсеке барысында қазақстандық спортшы 4 эйспен бірге 9 брейк-пойнттың төртеуін өз есебіне жазды.

Осылайша, Михаил Кукушкин негізгі жарысқа жолдама алды.

Оқи отырыңыз: Амир Омарханов ATP 250 Almaty Open турниріндегі тартысты матчта жеңіліп қалды

Beeline Janymda. Қазақстанда ең кең таралған мобильді интернет.