Microsoft Қазақстанда мультиаймақтық хаб ашады

Microsoft корпорациясы Қазақстан аумағында мультиаймақтық хаб ашады. Бұл туралы цифрлық даму министрі Бағдат Мусиннің және Microsoft-тың Қазақстандағы бас директоры Сергей Лещенкомен екіжақты кездесуі барысында белгілі болды, деп хабарлады министрліктің баспасөз қызметі.

Бағдат Мусиннің айтуынша, бұл Қазақстанға аймақтық ауқымда технологиялар мен озық шешімдерді тарту орталығына айналуға мүмкіндік береді. Сонымен қатар шикізаттық емес технологиялық салалардың өнімдерін өндіру мен экспорттауды ынталандыру арқылы адами капиталды дамыту және ұлттық экономиканы нығайтудың драйвері бола алады.

"Қазақстанда Microsoft-тың аймақтық хабының құрылуы маңызға ие. Елдеріңізде тиісті инфрақұрылым бар. Біз қуана-қуана бірлескен жобаларды іске асырып, сіздермен жұмыс істегіміз келеді", – деді Сергей Лещенко.