Мемлекет басшысы Қасым-Жомарт Тоқаев сайлауда дауыс берді

19 наурыз 2023, 08:10

Авторға хат жазу قازاقشا Qaz

Қазақстанда сайлауда дауыс беруге 12 миллион азаматтың құқығы бар.

Мемлекет басшысы Қасым-Жомарт Тоқаев Әл-Фараби атындағы Оқушылар сарайында орналасқан сайлау учаскесіне барып, Қазақстан Республикасы мәжілісі мен жергілікті мәслихаттар сайлауында дауыс берді.

Мемлекет басшысы Қасым-Жомарт Тоқаев. Фото: Ақорда

Сайлауға жеті партия өз кандидаттарын ұсынды. Олар: "Ақ жол" демократиялық партиясы, Amanat партиясы, "Ауыл" халықтық-демократиялық патриоттық партиясы, "Байтақ" "жасылдар" партиясы, Қазақстан халықтық партиясы, Жалпыхалықтық социал-демократиялық партиясы, Respublica партиясы. Сондай-ақ, осы сайлауда өзін-өзі ұсынғандар да мәжіліс депутаты бола алады.

Оқи отырыңыз: Қазақстанда мәжіліс және мәслихаттар депутаттарын сайлау қалай өтіп жатыр? Live

Орталық сайлау комиссиясының мәліметінше, Қазақстанда сайлауда дауыс беруге 12 032 550 азаматтың құқығы бар.