Әрбір мектеп оқушыларды оқытуға арналған сағат санын дербес белгілей алады. Бұл туралы Үкімет отырысында оқу-ағарту министрі Ғани Бейсембаев айтты.
Ол 2021 жылға дейін сабақ ұзақтығы 40 минут болса, кейін 45 минут болғанын еске салды.
"Қазір біз орта білім берудің жаңа стандарттарын қарастырып жатырмыз, онда уақыт пен оқытылатын пәндер ескеріледі. Біз бұл өзгерістерді 2026 жылдан бастап енгізуді жоспарлап отырмыз. Қазір әр мектепте оқу бағдарламасына қарай сабақ беретін сыныптар саны белгіленеді. Мұнда оқу жоспарының бірнеше нұсқасы бар. Осы жоспардың негізінде сағат саны жүзеге асырылып жатыр", – деді министр.
Журналистің "Мектептердің сабақ санын қысқартуға мүмкіндігі бар ма?" деген сұрағына министр оң жауап берді.
"Министрліктің бұйрығымен мектептер мұны 7-8 сабақ емес, бастауыш сыныптарда 35 минутқа дейін, ал 4 сыныптан кейін 40 минутқа дейін қысқартуға болады", – деп түйіндеді Ғани Бейсембаев.
