Мәжіліс депутаттары қайғылы оқиғада қаза тапқандарды бір минуттық үнсіздікпен еске алды

Бүгін Палата спикері Нұрлан Нығматулиннің төрағалығымен Бюро отырысы өтті, деп хабарлады Парламент Мәжілісінің баспасөз қызметі.

Мемлекет басшысы Қасым-Жомарт Тоқаевтың 10 қаңтарда елімізде Жалпыұлттық аза тұту күні деп жариялануына орай, депутаттар қайтыс болғандарды бір минуттық үнсіздікпен еске алды.

Мәжіліс Төрағасы Нұрлан Нығматулин барлық депутаттар атынан еліміздің бірқатар өңірлерінде болған қайғылы оқиғалардың салдарынан қаза тапқандардың жақындары мен туған-туыстарына қайғыларына ортақтасып, көңіл айтты.