Президент тиісті жарлыққа қол қойды.
Президент Қасым-Жомарт Тоқаевтың жарлығымен Марат Сұлтанғазиев Алматы облысының әкімі лауазымынан босатылды, деп хабарлайды Ақорда.
"Мемлекет басшысының жарлығымен Марат Елеусізұлы Сұлтанғазиев Алматы облысының әкімі қызметінен босатылды", — деп хабарлады президенттің баспасөз қызметі.
Марат Сұлтанғазиев облыс әкімі болып 2022 жылғы маусымда тағайындалып, сол жылдың желтоқсанында қайта тағайындалған болатын. Ол әр жылдары мемлекеттік кірістер комитетінің төрағасы және Қаржы вице-министрі қызметтерін атқарған.