Сотталушы бұрын адам өлтіргені үшін сотты болған.
Кісі өлтірді деп сотталған Ақтау тұрғыны Маңғыстауда мемлекеттік мекемелерді жарып жібермек болды, деп хабарлайды ҰҚК.
Ақтау қалалық соты лаңкестік әрекет жасады және терроризмді насихаттады деп айыпталған қала тұрғынына үкім шығарды.
Ұлттық қауіпсіздік комитетінің мәліметінше, лаңкестік әрекетті жүзеге асыру үшін ол қолдан жасалған жарылғыш құрылғы жасалған компоненттерді сатып алған. Соның ішінде зақымдайтын элементтер – болттар мен шегелер.
"Ол шабуыл нысанасы ретінде Маңғыстау облысындағы мемлекеттік мекемелердің ғимараттарын таңдады, фото және бейне жазбалар арқылы аумақты зерттеді", – делінген хабарламада.
Сот оны 18 жылға бас бостандығынан айырды. Сотталушы бұрын адам өлтіргені үшін сотты болған.
