Маңғыстау облысында 749 түп қарасора заңсыз өсірілген

5 қыркүйек 2025, 15:15 Жазира Пірімқұл Авторға хат жазу قازاقشا Qaz

Аталған дерекке қатысты ҚР қылмыстық кодексінің 300-бабының 1-бөлігі бойынша қылмыстық іс қозғалды.

Маңғыстау облысында есірткі өсімдіктерін заңсыз өсіру дерегі анықталды, деп хабарлайды Polisia.kz.

"Қарасора" жедел-профилактикалық іс-шарасы барысында Түпқараған ауданы полиция бөлімінің криминалдық полиция қызметкерлері Ақшұқыр ауылындағы тұрғын үй ауласынан қарасораны заңсыз өсіру дерегін анықтады.

"Тінту кезінде 749 түп қарасора өсімдігі, сонымен қатар ыдысқа салынған кептірілген қарасора және марихуанаға ұқсас оралған шөп тәркіленді. Аталған дерекке қатысты ҚР қылмыстық кодексінің 300-бабының 1-бөлігі бойынша қылмыстық іс қозғалды", – делінген хабарламада.

Оқи отырыңыз: Астанада заңсыз такси жүргізген шетел азаматы ұсталды

Еске сала кетейік, есірткі құралдарын, психотроптық заттар мен олардың баламаларын заңсыз айналымға енгізу, өндіру, сақтау немесе өсіру – ауыр қылмыс болып саналады және заңмен қатаң жазаланады. Заң және тәртіп – қоғам қауіпсіздігінің негізі. Осы қағиданы ұстана отырып, Маңғыстау облысының полицейлері есірткі қылмыстарының жолын кесу және қоғамды зиянды әдеттерден қорғау бағытындағы жұмыстарды жүйелі түрде жалғастырады.