Маңғыстау облысында жағдай тұрақты – Нұрлан Ноғаев

Маңғыстау облысының әкімі Нұрлан Ноғаев түсіністік танытып, сабырлылық көрсеткен маңғыстаулықтарға алғысын айтты.

Өңір басшысының сөзінше, халықтың қолдауы арқасында қақтығыстар орын алған жоқ.

"Біз осы 2-3 күннің ішінде арандату әрекеттерінің, әскери және азаматтық техникаларды басып алуға ұмтылғандардың болғанын жоққа шығармаймыз. Алайда қалың халықтың қолдауы мен елдің түсіністігі арқасында қақтығыстарға, оқыс жағдайға жол бермедік. Халықпен бірге әлі де жағдайды тұрақтандыру бағытында бірлескен жұмыстар атқара береміз деп сенемін", – деді Нұрлан Ноғаев.

Облыс әкімі қазір өңірде жағдай тұрақты екенін хабарлады. Жол, теміржол қозғалыстары біртіндеп қалпына келіп жатыр.