АҚШ ғалымдары адамдарды құтқаруға арналған дрон жасап шығарды

Dronut X1 дроны айналасындағы заттарға тиіп ұшса да, ешқайсысына зиын келтірмейді. Сондай-ақ, адамдар үшін де толықтай қауіпсіз. Оның корпусы көміртек талшығынан жасалған, деп хабарлайды hightech.fm сайты.

Ұшқышсыз ұшатын құрылғының диаметрі – 17 см, ал биіктігі – 10 см. Салмағы – 425 г. Dronut X1 4 м/сек жылдамдықпен ұша алады. Сондай-ақ, 15 км/сағ жел соққанда бір километрге дейін ұшады. Ал қуаты 12 минут ұшып жүруге жетеді.

Құрылғыны компания патенттеген әдіс арқылы басқарып, тұрақтандыруға болады. Дронның лидары, 4к камерасы, светодиоды бар. Бұлардың барлығы қараңғы және тар кеңістікте ұшып жүруге мүмкіндік береді. Барлық мәліметті Qualcomm Snapdragon процессоры өңдеп отырады.

Оны алдағы уақытта құтқару операцияларында немесе инженерлік құрылымдар туралы ақпарат алу үшін пайдалануға болады.