Маймыл шешегінен 271 миллион адам өледі деген ақпарат – жалған

"Іс жүзінде таратылған құжат – 2021 жылы "Ядролық қауіпті азайту бастамасы" (NTI) ұйымдары мен Мюнхендегі қауіпсіздік конференциясы өткізген оқу-жаттығулар туралы есептің бір беті", – деп жазды stopfake.

Сайттың жазуынша, маймыл шешек ауруы туралы жазылғанына қарамастан, бұл сценарий толығымен ойдан шығарылған. Онда Бриния мен Арника сияқты ойдан шығарылған елдер мен оқиғалар жайлы айтылған. Зардап шеккендердің саны мен аурудың даму қарқыны да негізсіз және сценарийде тек симуляция шындыққа ұқсас болуы үшін көрсетілген.

Дегенмен, қастандық теориясын жақтаушылар құжаттың талқыға салды. Кейбіреулерінің пікірінше, бұл маймыл шешек ауруы алдын ала жоспарланғанын дәлелдейді. Бұл теорияны Bloomberg порталы жоққа шығарды.

---

Оқи отырыңыз: Маймылшешек індеті әлемнің 14 еліне тарады

---

Биофизика докторы және ядролық қауіпті азайту бастамасының вице-президенті Хайме Ясиф өткен жылғы оқу-жаттығулар толығымен ойдан шығарылған сценарий бойынша өткізілгенін және аурудың нақты өршуіне "дайындық" болмағанын айтты.

"NTI COVID-19 сияқты ықтимал пандемиялардың алдын алуға және оларға жақсы ден қоюға мүмкіндік беретін қажетті жақсартуларды талқылау үшін осы сценарийді ойлап тапты. Жаттығу мақсаттары үшін біз ойдан шығарылған сценариймен байланысты қоздырғышты таңдадық. Сондықтан басқаларының ішінен маймыл шешек ауруын таңдадық", – деді ол.