Мағзұм Мырзағалиев "ҚазМұнайГаз" АҚ басқарма төрағасы болып тағайындалды

14 сәуір 2022, 11:00 Нұрболат Аманжол Авторға хат жазу قازاقشا Qaz

Ол бүгін президенттің кеңесшісі қызметінен босатылған еді

Мағзұм Мырзағалиев "ҚазМұнайГаз" АҚ басқарма төрағасы болып тағайындалды, деп хабарлады "Самұрық-Қазына" АҚ ресми сайты.

Ол бұған дейін президент Қасым-Жомарт Тоқаевтың кеңесшісі болды.

Мағзұм Мырзағалиев 1978 жылы 7 қарашада Алматыда дүниеге келген.

Білімі:

1999 жылы – "Тұран" университетін "экономист" мамандығы бойынша бітірген.

2003 жылы – Гумилев атындағы Еуразия ұлттық университетінің дипломатиялық академиясын "Халықаралық қатынастар саласындағы маман" мамандығы бойынша бітірген.

2010 ж. – Ш.Есенов атындағы Қаспий мемлекеттік технология және инжиниринг университетін "Мұнай-газ кен орындарын игеру" мамандығы бойынша бтірген.

Еңбек жолы:

2001-2004 жж. – Теңіз және Батыс Сібір кен орындарында MI Drilling Fluids International (Schlumberger) бұрғылау ертінділері жөніндегі инженері, АҚШ және Малайзияда тағлымдамадан өткен.

2004-2007 жж. – өндіру менеджері (MI Drilling Fluids International Ақтау филиалының басшысы).

2007-2010 жж. – "ТеңізСервис" ЖШС бас директоры.

2010-2012 жж. – "ҚазМұнайГаз" ҰК" АҚ жобалау сервистері бойынша басқарушы директор.

2012-2013 жж. – "ҚазМұнайГаз" ҰК" АҚ инновациялық даму және сервистік жоба жөніндегі басқарма төрағасының орынбасары.

2013-2014 жж. – Мұнай және газ вице-министрі.

2014-2019 жж. – Энергетика вице-министрі.

2019-2021 жж. – Экология, геология және табиғи ресурстар министрі.

2021-2022 жж. – Энергетика министрі.

2022 жыл 14 сәуір – Президент кеңесшісі.