Мәдениет министрлігі Әуезов театрын қайта құру жұмыстары тоқтағаны туралы ақпаратты жоққа шығарды

Бірқатар бұқаралық ақпарат құралдарында Алматыдағы Мұхтар Әуезов атындағы театрды қайта құру жұмыстары тоқтатылғаны туралы ақпаратты Мәдениет және ақпарат министрлігі жоққа шығарды. 

"Нысанды қайта жаңғырту жұмыстары тоқтатылған жоқ. Қазіргі уақытта жоба жаңа қаржы жылының басталуын күтуде, содан кейін белгіленген тәртіпке сәйкес жұмыстарды жалғастыру үшін қажетті қаражат бөлінеді. Нысандағы жөндеу жұмыстары уәкілетті мемлекеттік органдардың тұрақты бақылауында", – делінген ведомствоның ресми хабарламасында. 

Министрліктің мәліметінше, Мұхтар Әуезов атындағы театрды қайта жаңғырту оның тарихи және мәдени құндылығын сақтауға қойылатын барлық талаптарды сақтай отырып, толық аяқталады.