Әлеуметтік желілер миға қатты әсер етіп, тіпті тәуелділікке апарып соқтырады, дейді медициналық психолог Диана Лобанова Lenta.ru сайтына берген сұхбатында.
Психолог әлеуметтік желілердің қазіргі әлемнің ажырамас бөлігіне айналғанын, алайда оның адам писхикасына зиян екенін айтты.
"Әлеуметтік желілерде ұзақ уақыт отыру зейінді төмендетеді және тәуелділікке әкелуі мүмкін. Сонымен қатар, желіде миллиондаған жазылушылары мен достары болғанына қарамастан, адамдар өзін бұрынғыға қарағанда әлдеқайда жалғыз сезіне бастады", – дейді маман.
Оқи отырыңыз: Смартфон бала үшін неге ата-анадан да жақын? Психолог жауабы
Психолог әлеуметтік желілерге тәуелділіктің бірқатар белгісін атады.
"Адамдар қандай да бір себептермен желіге кіре алмаса, тітіркене бастайды. Шынайы қарым-қатынастан бас тартып, бірнеше күн бойы желіде отыра беруі мүмкін. Кейде тіпті тамақтан бас тартуы немесе жүйелі тамақтанбауы мүмкін. Сонымен қатар жарияланған жазбасын немесе фотосына басылған лайк саны аз болуы көңіл-күйінің өзгеруіне әсер ете алады", – деді психолог.
Маманның айтуынша, адамдар ләззат алу, стрессті азайту үшін де желіге тәуелді болуы мүмкін. Сондай-ақ, әлеуметтік желілер адамның қажеттіліктерін өтеу құралы ретінде де әрекет ете алады.
Сондықтан Диана Лобанова желіге тәуелділігі бар екенін білген адамға проблеманы өз бетімен шешу қиын болса, психолог немесе психотерапевтпен жұмыс істеуге кеңес береді.
