Прямой эфир Новости спорта

Күтуші, курьер, промоутер. Жасөспірімдер жазда жұмыс істегені үшін қанша жалақы алады?

Көбінесе жасөспірімдерге еңбек шартына тіркелмейтін жұмыс ұсынылады.

Жасөспірімдер мен университет түлектері жазда көбінесе промоутер, курьер, байланыс орталығының операторы, репетитор, күтуші және т.б. болып жұмыс істейді. Бұл туралы Hh.kz сайтының сарапшылары мәлімдеді.

Мамыр айында Қазақстанда жасөспірімдерге 200-ге жуық бос жұмыс орны ұсынылған. Ұсынылған орташа жалақы – 70 мың теңге. 

"Жасөспірімге еңбек шарты бойынша тіркелмейтін жұмыстар ұсынылуы мүмкін. Мұндай кезде абайлау керек. Келісім-шартсыз жұмыс істегенде кейбір жұмыс беруші баланы алдап, ақша төлемеуі мүмкін", – делінген хабарламада.


Оқи отырыңыз: "Болашақ" түлектері неге Қазақстанда қызмет еткісі келмейді?


Сарапшылардың айтуынша, университет түлектері жаңадан келген маман ретінде орта есеппен 210 мың теңге алғысы келеді. Бірақ жұмыс берушілер университет түлектерінің талапқа сай келмей, жоғары жалақы талап ететініне шағымданады.

"Жұмыс берушілер біліктілігі жоқ жас мамандарды жұмысқа қабылдауға дайын. Орта есеппен университет түлектеріне  кәсіптік саласына байланысты 90-нан 260 мың теңгеге дейін жалақы беріледі. Елімізде сату, (сату бойынша менеджер), IT және жылжымайтын мүлік саласында ең жоғары жалақы төленеді", – делінген хабарламада.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары