Конституциялық сотқа қаңтарда Астана мен Алматы тұрғындары көбірек жүгінген

Қаңтар айында Конституциялық бақылау органына 800-ден астам өтініш түсті, деп хабарлады Конституциялық соттың баспасөз қызметі.

Ең көп өтініш Астана және Алматы қалаларының, Қостанай, Солтүстік Қазақстан және Жамбыл облыстарының тұрғындарынан қабылданған.

Өтініш берушілердің басым бөлігі (36%) әкімшілік, азаматтық және қылмыстық істер бойынша шығарылған сот актілерімен келіспей шағымданған. Кейінгі кезекте – зейнетақы саласына қатысты өтініштер (17%). Ал құқықтық актілердің Конституцияға қайшы келетін тұстарына шағым саны 14 пайызды құрады.

Бұлардан бөлек, аталғандармен қатар, азаматтардан еңбек және тұрғын үй заңнамасы, әлеуметтік қамсыздандыру, ақпаратқа қол жеткізу және қылмыстық-атқару жүйесі саласындағы нақты жағдайларға байланысты өтініштер түскен.

---

Оқи отырыңыз: Конституциялық сот Елбасы туралы заңның күші жойылды деп тану жөнінде қаулы шығарды

---