Колледжде кімдер тегін оқи алады?

Құжат қабылдау 20 маусымда басталады.

Биыл колледждерде оқу үшін грант 45 мыңға өсіп, жалпы білім алуға 125 мың грант бөлінеді, деп мәлімдеді БҒМ техникалық және кәсіптік білім департаментінің директоры Насымжан Оспанова.

"Тегін білім берумен көпбалалы, толық емес отбасылардан, мүмкіндігі шектеулі балалары бар отбасылардан шыққан балалар қамтылады. "Білім туралы" заңға өзгертулер мен толықтырулар енгізіліп, осы санаттар бойынша колледждерге қабылдау квоталары тізімі толықтырылды. Атап айтқанда, көпбалалы отбасы балаларына – 5%, толық емес отбасы балаларына – 1%, мүмкіндігі шектеулі балалары бар отбасы балаларына – 1% грант бөлінеді", – деп түсіндірді Насымжан Оспанова.

Былтыр колледжге қабылдау 10 мың адамға өсіп, 166 мың адамды құрады. Мемлекеттік тапсырыс бойынша 93 мыңнан астам адам, оның ішінде квота санаттары бойынша қабылдау 61,9 мың адамды құрады. Бұл жалпы мемлекеттік тапсырыстың 67 пайызға жуығын құрайды.


Оқи отырыңыз: Құжатты электронды тапсыр деп міндеттеу жоқ. Баланы 1-сыныпқа қабылдау тәртібі қалай жүзеге асады?


"Сондай-ақ, 2025 жылға қарай мемлекеттік тапсырыстың 70 пайызы техникалық мамандықтарға беріледі. Бұл негізінен металлургия, IT, құрылыс, машина жасау, қызмет көрсету салалары бойынша мамандықтар. Техникалық мамандықтардың үлесі 45 пайызды құрайды. Әкімдіктер жанындағы арнайы комиссиялар өңірлік еңбек нарығында сұранысқа ие мамандықтардың тізімін әзірлеп жатыр. 30 сәуірден бастап облыстар мен Нұр-Сұлтан, Алматы және Шымкент қалаларының білім басқармаларының сайтында мемлекеттік тапсырыс берілетін мамандықтар туралы ақпарат жарияланады", – деді Насымжан Оспанова. 

Колледжге құжат қабылдау 20 маусымда электронды үкімет порталы арқылы және тікелей колледжде басталады. Әр талапкер 4 мамандық пен 4 колледжді таңдай алады. Таңдауды 3 рет өзгертуге рұқсат етіледі.

Қабылдау емтихандары педагогикалық, медициналық мамандықтар және шығармашылық дайындықты талап ететін мамандықтар бойынша өткізіледі. Барлық қалған мамандық бойынша емтихандар болмайды.


Оқи отырыңыз: "ҰБТ қажет емес". Мектеп түлектерінің шетелде оқуына 10 мүмкіндік


Жұмысшы мамандықтарына түсушілер әңгімелесуден өтеді, орта буын және қолданбалы бакалавр мамандықтарына талапкерлер мемлекеттік тапсырыс бойынша оқыту конкурсына қатысады. Іріктеу білім туралы аттестаттың орташа балы бойынша жүргізіледі.

Қабылдаудың жаңалығы –  педагогикалық мамандықтарға түсу үшін 4 балға дейінгі шекті бал енгізілген және үміткерлер эссе жазу қажет.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары