15 сәуірден бастап Қазақстан аумағындағы киіктердің санын анықтау мақсатында әуе санағы жүргізіледі, деп хабарлайды орман шаруашылығы және жануарлар дүниесі комитетінің баспасөз қызметі.
"Киіктерді санауға "Охотзоопром" ӨБ" РМҚК, Орман шаруашылығы және жануарлар дүниесі комитетінің аумақтық инспекция қызметкерлері, сонымен қатар Қазақстандағы биоалуантүрлілікті сақтау қауымдастығының ғылыми мамандары жұмылдырылған", – делінген хабарламада.
Санақ тобы екіге бөлінген – бірі бетпақдала популяциясында, екіншісі – Орал және Үстірт популяцияларында санақ жүргізіеді. Есепке тікұшақпен 200-ге жуық ұшу сағаты қарастырылған.
Оқи отырыңыз: Қазақстанға Амур жолбарыстарын әкелуге дайындық қалай жүріп жатыр? Фоторепортаж
Естеріңізге сала кетейік, 2022 жылғы санақ нәтижесі бойынша еліміздегі киік саны 1,3 млн басты құрады.
