Қызылордада 17 акиік атқан адам ұсталды

Қылмыс орнынан 17 бас ақбөкеннің өлі денесі және 54 дана мүйізі табылған.

Қызылордада 17 ақбөкенді атқан облыс орталығының тұрғыны қолға түсті, деп хабарлады ҚазАқпарат агенттігі.

Қызылорда облысының табиғи ресурстар және табиғат пайдалануды реттеу басқармасына қарасты "Қызылорда облыстық жануарлар дүниесін мемлекеттік қорғау жөніндегі мамандандырылған мекемесінің" мамандары "Охотзоопром ӨБ" РМКҚ қызметкерлерімен бірлесіп рейд жүргізген.

Фото: ҚазАқпарат агенттігі

"Кезекті іс-шара барысында Жалағаш ауданына қарасты Жырық атты скважина маңында "Тайота ланд крузер-100" автокөлігі күдік тудырды. Белгісіз тұлға оқиға орнынан ізін суытуға әрекеттенді. Көп ұзамай Жалағаш ауданына қарасты Қызылшын деп аталатын жерде оның көлігі өртенгені байқалды. Сол жерден барлығы 17 бас ақбөкеннің өлі денесі және 54 дана мүйізі табылды. Ол айғақ зат ретінде алынды. Жалағаш аудандық полиция бөлімімен бірлесіп, сол маңды қарау барысында Шақшақ деп аталатын мал ауылынан күдік келтірілген Қызылорда қаласының тұрғыны анықталды", - деп мәлім етті Қызылорда облыстық табиғи ресурстар және табиғат пайдалануды реттеу басқармасы мамандары.

Ведомство мәліметінше, оқиға бойынша мән-жайды қарап, шара қолдану үшін құжаттар мен айғақ заттар Жалағаш аудандық полиция бөліміне өткізілді.


Оқи отырыңыз: Киік санын реттеуге қатысты ғылыми зерттеулер 1-2 жылға созылуы мүмкін


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары