Өрт Сырдария ауданы Бесарық ауылында болған.
Қызыл жалын таңғы төртте тұтанған. Лапылдап жанған отты өрт сөндірушілер бір жарым сағатта әрең ауыздықтады, деп хабарлайды 31 арнаның Информбюро ақпараттық бағдарламасы.
Құс фабрикасының Ішінде адам болмаған. Бөдене өсірумен айналысатын кәсіпкер бір мезетте барынан айырылып, шығынға батты.
"Бөдене өсіретін құс фабрикасының толығымен өртеніп жатқаны анықталды. Қазіргі таңда өрттің көлемі 288 шаршы метрді құрайды. Ғимарат бір қабатты. Қазір өрттің шығу себебі мен шығын көлемі нақтыланып жатыр", – деді Қызылорда облыстық төтенше жағдайлар департаменті басшысының орынбасары Нұрсұлтан Ибрагимов.
Оқи отырыңыз: 2023 жыл қорытындысы: Ауыл шаруашылығын дамытуда қандай жобалар жүзеге асырылды
