Қостанай әуежайы Ахмет Байтұрсынұлы есімін иеленді

Қостанайдағы халықаралық әуежайға ресми түрде Ахмет Байтұрсынұлының есімі берілді. ҚР премьер-министрі Әлихан Смайыловтың бұл туралы қаулысы НҚА ақпараттық-құқықтық жүйесінде жарияланды. 

Әуежайға Алаш көсемінің есімін беру туралы бастаманы әуежай қызметкерлері көтерген болатын. Кейін бұл ұсыныс депутаттар тарапынан қолдау тапты.

Ахмет Байтұрсынұлы – қазақ ағартушысы, ғалым, ақын, аудармашы. Қазақ халқының 20 ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, Алаш-Орда өкіметінің мүшесі.

---

Оқи отырыңыз: 

• Қостанай облысында Ахмет Байтұрсынұлының мемориалдық кешені салынады
• Ахмет Байтұрсынұлы ауылында 20 млн теңгенің бөгеті жылға жетпей бұзылған

---